महासमुंद सरायपाली शिशुपाल पर्वत ले बड़े खबर निकल के सामने आथे। जानकारी के मुताबिक, युवक अउ युवती दूनों सांकरा थाना इलाका के गांव बारीकपाली के रहेइया कहे जावत हें। युवक के नाम दिलेश साहू , अउ युवती के नाम कोमल बताय जावत हवे।
बताय जावत हवे दूनों युवक-युवती 2 मई के दुपहर करीब तीन ले चार बजे के बीच अपन घर ले निकले रहिन। ओकर बाद शिशुपाल पर्वत पहुंचे अउ अपन परिजन ला फोन कर बताइन हावे की यहाँ ले हमन कूद के जान देवे बर आये हन। ए बात के जानकारी जब परिजन ला मिलिस त कल संझा करीब 6 बजे शिशुपाल पर्वत पहुंचे, जिहाँ पर्वत के तिर म मोटर सायकल पडे मिलीस..
ओकर बाद परिजन देर रात करीब 12 बजे तक युवक-युवती ला खोजे के कोसिस करे, फेर उंकर मनला कोनो जानकारी नई मिलिस। युवक अपन माता-पिता के एक लौता बेटा कहे जावत हवे, हालांकि ये मन द्वारा ए कदम काबर उठाय गिस ऐकर जानकारी नइ हे। वहीँ घटना के जानकारी मिलत ही पुलिस अउ फोरेंसिक टीम घटना स्थान पहुंच के जांच म लगे हावे।
5 बछर म 15 मौत…जानलेवा सेल्फी’, हत्या अऊ आत्महत्या के कई मामला ?
लगातार हादसा के बावजूद लापरवाही नइ रुकत हावे.... शिशुपाल पहाड़ा ले गिरके दू झन के मौत....।
🙏अइसने खबर देखे बर हमर चैनल ले जुड़े रहू, अब हर खबर छत्तीसगढ़ी भाखा म आप मन बर लानत हे हर छोटे बड़े खबर ND24TV NEWS म🙏
