छत्तीसगढ़ के सरगुजा जिला के मैनपाट ब्लॉक के सुपलगा गांव मं एक अनोखी शादी चर्चा के विषय बन गेय हे। इहा दुल्हन खुदे बारात ल लेकर दूल्हा के घर पहुंचिस अउ परंपरागत रीति-रिवाज संग बियाह संपन्न होईस। दुल्हन देवमुनी एक्का,जऊन पैगा गांव के रहइया ऐ,जेमन परिवार मं चार लड़की हावे अउ कऊनो लड़का नइये। परिवार के भविष्य अउ सहारा के धियान मं रखत पिता मोहन एक्का ल ऐसे दामाद खोजिस की जऊन घर जमीई बनके उहाँ उमन संग रह सके और घर के जवाबदारी उठा सके ।
ओकर बाद सुपलगा के रहइया बिलासुस बरवा संग रिश्ता तय होईस, जेहा परिवार के जवाबदारी और साथ में रहे बार तयार होईस। 15 अप्रैल के क्रिश्चियन रीति-रिवाज संग शादी होईस। दुल्हन गाजे-बाजे संग बारात ल लेकर दूल्हा के घर पहुंचिस, जिहाँ दूल्हा पक्ष ह दुल्हन के स्वागत करिस। सबो रस्म पूर्ण होए के बाद एक भावुक पल देखे बर मिलिस,जब दूल्हा के विदाई होईस त दूल्हा फूट-फूट के रो पड़िस।
शादी के खास बात ये रहीस के ए मा कऊनो प्रकार के दहेज नइये लिए गिस। दुल्हन के पिता कहिन के वो मन दूल्हा ल अपन बेटा के तरह रखिया...।
🙏अइसने खबर देखे बर हमर चैनल ले जुड़े रहू, अब हर खबर छत्तीसगढ़ी भाखा म आप मन बर लानत हे हर छोटे बड़े खबर ND24TV NEWS म🙏
